呢個係跟 Honny 整既, 但唔知點解, 好似唔係好似咁... @.@ 唉.. 唯有下次再試過啦!! 我俾左2件Mabel試... 真係難為佢.... @.@ 我下次會整好d嫁啦!!!
諗住試下個新模, 又見屋企有幾隻熟熟蕉. 於是乎就整左呢個cake.. 由於我係第一次用silicon mould.. 我驚屎個cake唔熟...於是底火開多了5mins.. 就係咁.. 佢就俾面色過我睇 @.@ 人家都唔想嫁ma.. 好彩雖然佢面黑黑, 但內心都係軟綿綿既.. 好好味!! ^^v
尋晚睇完樽樽既cookies, 今日經過Mrs. Fields 時忍唔住手買左半打黎食下. 影相時, 其中一件既triple chocolate (肥屎啦今次) 已俾我全件消滅左, 所以大家只見到餘下的5件.... - . - 唔理咁多, 食完先算, 反正今朝都去左飲茶.... @.@呵呵.. 唔好誤會我又走去買模. d模全部係唔駛錢嫁.. 一位識左幾個月, 但近來佢先知我鍾意整野食, 而我又啱啱先知佢公司係做出口美國廚房用具既. 於是佢就係公司攞左呢d辦俾我. ^^v 好野..以後唔駛買模啦!!!
今晚學既芒果拿破崙酥盒... 好脆..好好味.. 不過搓到我好累. 其實上堂前,我已經好眼瞓, 又加上到整好個拿破崙時已10點幾.. 所以大家見我個酥盒唔多似個盒, 因為我已經無心機及氣力去裝飾. >< 阿sir果個靚好多, 都係唔post出黎免得有比較. 哈哈哈.. :pP/S:大家有無見到我對眼其實已經唔係好撐得大? -.-
等左咁耐, 終於到軟硬last 果場, 亦即係我買飛那場. 記得細個的時候, 屋企既中文CD就只有Beyond 同軟硬, 其他的都是外國bandsound 既 CD. 想當年我對Beyond 既瘋狂程度遠遠多過軟硬天師, 但我亦會到廣播道等他們. ^^ v 我記得第一次見到Eric, 係係商台門口..佢準備開車走人.. 我見到佢當然唔會放過呢個機會諗住叫佢同我簽名影相..但佢話趕時間走沒有落車. 當時既我好失望, Eric 就同我講叫我第2日既某時到商台, 佢會出黎搵我. 要知道當時既軟硬好紅, 而Eric 又係第一次見我..心想佢一定係呃我. Anyways, 第2朝, 我依時的到達商台, 但過了15分鐘未見到Eric, 心想他一定是騙我..就係呢個時候, Eric 係側門出黎, 我同佢講:"你遲到!!!" 哈哈.. 後來佢同我講佢尋晚係商台做通宵, 唔記得左時間. 我聽完之後覺得Eric好好, 所以佢話果樣殘唔想影相我都算數!(哈哈..如果知我點對黃家強既人一定覺得我對eric好好 :p) 就係咁, 我一有時間就去搵Eric, 仲試過叫佢幫我叫阿Jan出黎同我簽名影相. 相對下阿Jan就比較串, 要睇下佢心情..不過佢心情好唔好都會串下你, 心情唔好就加黑面.. 哈哈..每次見到咁既情況, 我第一時間就會閃埋Eric 度 ^^v 後來因無咁多時間, 慢慢就再無到商台. 我好記得一直到家駒唔係度, 商台發報消息話會有function記念家駒, 但就要第2朝晨早排隊攞飛. 由於果段時間因家駒既事而令我們好疲勞, 我們就早一晚到商台諗住搵郭啟華幫手... 雖知 Wallace 唔係商台, 我朋友立即打俾Wallace, 剛好Eric 走過, 見到我地就走埋黎睇下咩事, 知道Wallace call 番商台叫人幫我地後, Eric就叫人同我地登記,話我地唔駛黎排隊.叫我們先返屋企, 佢會同Wallace 講番, 仲同security講由我地坐到幾點都得. 好彩有Eric, 因為第2朝d隊長到唔知去左邊. 嘩.. 忽然記起咁多野, 真係正如阿Jan咁講, 有人同佢講話睇佢地既show, 一面驚覺自己已經31, 但見到佢地又好似返回13歲 當年係廣播道等佢地既日子. 哈哈..當年我等佢地既時候也是12,3歲..不過我到今天仍是2字頭.. 呵呵呵 ^^ 今晚企/跳足3個鐘, 好耐無玩得咁開心啦!! 唉, 始終都唔再係12,3歲, 對腳好累呀... 不過見番佢地真係好開心!!! 軟硬軟硬我哋支持你....
呢個 Tiramisu 其實係失敗之作.. >< 首先第一個puff 發唔起, 要再做過(其實呢個都係so so, 但已太累唔想再整) 想整幾朵花花做裝飾, 但廚房太熱,,,最終只有兩朵唔太靚既花花可以用... d cheese filling 又因為我整裝飾整得太耐而溶化.. >< 激死我啦 !!
上個禮拜同一班朋友包堂學既cake. 呢個cake既工序真係好多, 3個鐘無乜休息位. 都幾累下..加上我地一班人嘈之巴閉, 又打下交咁.... 累上加累...哈哈哈..好彩阿sir無俾我地嚇親..呵呵呵... 仲同我地玩埋一份.. ^^
