Coffee pudding bread

近排個個都整包包, 趁有時間我都整下. 仍然係新手既我用 food processor 打麵團 (因剛剛修完甲, 不想整花!!) 包包用了 amigo既recipe. 真的好軟熟,好好味.. 但我始終不僅怎樣包餡..d包包做唔到圓圓的..

芝士蛋糕仔

在等麵包發酵時做的小蛋糕. 原食譜是用蒸的...呵呵..反正要開爐整麵包..於是稍稍調整個recipe後,就放佢入爐..

雲石cookies, 丹麥酥 & 肉桂紅茶奶酥

French class 呢個 semester 又完了.. last day 果日整左呢幾款 cookies 俾同學仔

貓友 gathering

尋日與一班貓友齊齊到 lazycat 屋企攪攪陣..... hehehe.... 由於我遲去.... 好多美食都miss左.. 睇番各貓友既靚相... 有得睇無得食... >.< 下次一定要早d到先得.. :>
尋日同好多貓友相認左 :> 哈哈.. 一講起好多企鵝果個..大家就知係我..哈哈..係呀..我就係企鵝仔(怪)啦...hehe.. 哎呀..我尋日先知....原來隻pig....係男仔黎嫁.. :p
我既糖醋排骨...沽清..好開心.. ^^ 當初真的好擔心會未人食tim... :>

糖醋排骨

無錯..你地未睇錯...係中菜黎嫁... 11/3 約左一班貓友...指明要整咸點... 哎呀..我幾年都無煮過餸..點算好呢 @.@ 本來諗住整雞翼..但有貓友話整...終於整了這味糖醋排骨 ^.^ 早一日跑去一間好出名既醬油舖(人地介紹)買鎮江醋,又托媽媽幫我買d靚靚排骨.. :> 10號晚11點幾返到屋企放下手袋就開始煮.. 多年無煮過餸既我真係雞手鴨腳.. >.< 終於攪到2點幾先沖涼瞓覺... @.@

Recipe in comment

Traditional Tiramisu

這是弟弟request 既重酒味tiramisu... 由於個人比較喜歡traditional 既 texture & flavour, so 搵左呢個無落蛋但仍然好軟滑既 recipe 來整.. \ ^.^ / 自己吃了一小片.. 好味..hehe (又唔知醜啦! :p)

Recipe in comment

Banana chocolate muffin

很久沒入廚房了, 先做這個香蕉朱古力muffin熱熱身先... 真的有點手忙腳亂呢 >.< 好彩味道也不錯..呵呵..

Busy...busy ... & busy

各位姊姊妹妹,

我整個2月都好忙...唉..只有一天可以在家吃飯.. 好久都沒有入廚房了... 希望快快可以有時間再整野食啦及同各位傾下計啦!

p/s: 一有時間我都有去各姊妹家坐坐嫁...只是沒時間留言... ;p 希望各位不會介意啦!!