等左咁耐, 終於到軟硬last 果場, 亦即係我買飛那場. 記得細個的時候, 屋企既中文CD就只有Beyond 同軟硬, 其他的都是外國bandsound 既 CD. 想當年我對Beyond 既瘋狂程度遠遠多過軟硬天師, 但我亦會到廣播道等他們. ^^ v 我記得第一次見到Eric, 係係商台門口..佢準備開車走人.. 我見到佢當然唔會放過呢個機會諗住叫佢同我簽名影相..但佢話趕時間走沒有落車. 當時既我好失望, Eric 就同我講叫我第2日既某時到商台, 佢會出黎搵我. 要知道當時既軟硬好紅, 而Eric 又係第一次見我..心想佢一定係呃我. Anyways, 第2朝, 我依時的到達商台, 但過了15分鐘未見到Eric, 心想他一定是騙我..就係呢個時候, Eric 係側門出黎, 我同佢講:"你遲到!!!" 哈哈.. 後來佢同我講佢尋晚係商台做通宵, 唔記得左時間. 我聽完之後覺得Eric好好, 所以佢話果樣殘唔想影相我都算數!(哈哈..如果知我點對黃家強既人一定覺得我對eric好好 :p) 就係咁, 我一有時間就去搵Eric, 仲試過叫佢幫我叫阿Jan出黎同我簽名影相. 相對下阿Jan就比較串, 要睇下佢心情..不過佢心情好唔好都會串下你, 心情唔好就加黑面.. 哈哈..每次見到咁既情況, 我第一時間就會閃埋Eric 度 ^^v 後來因無咁多時間, 慢慢就再無到商台. 我好記得一直到家駒唔係度, 商台發報消息話會有function記念家駒, 但就要第2朝晨早排隊攞飛. 由於果段時間因家駒既事而令我們好疲勞, 我們就早一晚到商台諗住搵郭啟華幫手... 雖知 Wallace 唔係商台, 我朋友立即打俾Wallace, 剛好Eric 走過, 見到我地就走埋黎睇下咩事, 知道Wallace call 番商台叫人幫我地後, Eric就叫人同我地登記,話我地唔駛黎排隊.叫我們先返屋企, 佢會同Wallace 講番, 仲同security講由我地坐到幾點都得. 好彩有Eric, 因為第2朝d隊長到唔知去左邊. 嘩.. 忽然記起咁多野, 真係正如阿Jan咁講, 有人同佢講話睇佢地既show, 一面驚覺自己已經31, 但見到佢地又好似返回13歲 當年係廣播道等佢地既日子. 哈哈..當年我等佢地既時候也是12,3歲..不過我到今天仍是2字頭.. 呵呵呵 ^^ 今晚企/跳足3個鐘, 好耐無玩得咁開心啦!! 唉, 始終都唔再係12,3歲, 對腳好累呀... 不過見番佢地真係好開心!!! 軟硬軟硬我哋支持你....
15 comments:
好羨慕呀, 其實我都好想睇,最衰買唔到飛啦
泡泡茶,
軟硬真係好好睇 ^^
雖然我無睇到佢地的show,不過都感覺到當時的氣氛~~
真是一位超級 FANS
他們倆真的很鬼馬,
帶給了很多觀眾很多新驚喜,
以前很多組合樂隊唱歌真的好好聽,
節奏感很夾, 舞步很齊,
現在很多新組合都已經不懂, 太 OUT 啦！
希望他們繼續為樂壇努力,
好令他們的 FANS 不會失望~~
哈哈,我冇你咁瘋狂,只係痴住個收音機,因為"唔聽唔舒服".....
mui mui,
係呀. ,真係好好睇 ^^v
Shirley,
其實我不算什麼超級fans, 只係小時貪玩..不過的確係一d幾得意既回憶^^
vv,
早知大家約下見面啦!! ^^
catagory 果度, 只要你 pick view source.. then copy those links 咁就可以嫁啦!!
eva,
哈哈..原來你都鐘意佢地... ^^v
我果時都係咁...hehe
I always know I am old, but after reading this post I REALLY feel like a DINOSAUR X( ...
真係睇唔出你係迷偶像嘅程度可以咁癲!!!
可以面對面一睹偶像真係好難得!
我記得有次我見到張曼玉,近在咫尺,
但我連上前同佢say hi嘅勇氣都冇 :(
比起你,你真係好野!
mommy,
haha..點會呀.. 上次我偷睇過你同你family 既相..仲好young & 靚女呀!
利芙,
哈哈..我份人就係咁,鐘意就去做!! hehe,, 細個果陣覺得既然咁鐘意佢地,,就要俾佢地知道,,哈哈,,好無聊既想法!! 但依家諗返起好好笑!!
我果時好細個,對于拒地既歌我真係無印象..尋晚聽左少少...都係無印象..=.=
但原來eric咁好人的...估拒唔到...^^"
樽樽,
哈哈..你依家都係咁細個..佢地對於你當然係陌生啦 !! hehe :>
Post a Comment